من هو موسوليني ؟قصه حياه موسوليني رئيس الحكومه الإيطالية ||من هو ؟

 نقل البضائع 

انت شايف الموبايل اللي ماسكه في ايدك ده جاي عن طريق البحر

اي حاجه بنستخدمها في حياتنا بتجي عن طريق البحر 

الله امال الطيران لازمته اي ومصدعينا بيه الطيران اسرع الطيران امان كل الكلام ده حلو مقلناش حاجه بس الطيران ده معمول علشان تسافر بيه انت وصحابك وتتفسحو لكن الشحن ده بيبقي عن طريق البحر طيب ازاي بقا الكلام ده اسمع يا سيدي انا هقولك ازاي كل حاجه موجوده في حياتنا بتيجي عن طريق البحر واشمعنا البحر بالذات.

وده لاننا بنقدر ننقل من خلاله كميات كبيرة. 

طيب ما الطيران ممكن برضو ننقل من خلاله كميات كبيرة برضو وبشكل اسرع كمان. 

لا طبعا احب اقولك ان الكميات اللي نقدر ننقلها عن طريق البحر بتبقي اضعاف اضعاف الكميات اللي ممكن تيجي من خلال الطيران وغير كده التكلفه بتبقي اقل بكتير ايوة ممكن يبقي مستوي الخطورة اصعب شويه علشان العواصف والجو والامواج وغيرها  بس الكميات اللي بتيجي من خلال البحر بتبقي صعبه ان احنا نجيبها من خلال الطيران لان رحله طيران مش ممكن تشيل حتي ربع الكميه اللي ممكن تنقلها من خلال البحر وغير كده رحله واحده ممكن تكلفك قد تمن النقل اللي بيجي عن طريق البحر تخيل بقا لما الطيرة بتروح وتيجي كام مرة علشان تجيبلك الشحنه بتاعتك وهتكلفك قد اي 

وممكن تهدي شويه علشان اعرف اقولك ازاي بيتم النقل عن طريق البحر. 

عاده ما يتم نقل البضائع عن طريق الحاويات 

والحويات دي هي الصناديق الكبيرة اللي بنشفها في اي ميناء شحن 

 وهي عباراه عن صندوق بشكل مستطيل مصنع من الحديد بشكل كامل طيب اشمعنا الحاويات دي بالذات اقولك انا يا سيدي علشان خاطر هي اكتر حاجه ممكن تحمي البضاعه لحد ما توصل بالسلامة وغير كده بتشيل كميات كبيرة من البضاعه وبيبقي سهل تحميلها علي السفن. 

مش بس كده لا ده في ناس بتجيب الحاويات دي وتديها طبقه خشب وتعمل منها بيوت ومش عايز اقولك علي الهواء اللي بيجي منها ولا كانك مركب تكيف المهم مش ده موضوعنا خلينا نكمل 

بعد ما بنحط البضاعه بتاعتنا في الحاويات وبتتحمل علي السفن بتمشي بيها السفينه لحد ما توصل باذن الله وعلشان تفهمني كويس تعالي يا سيدي اديك مثل 

يعني دلوقتي عندنا سفينه بتحمل احذيه من مدينه شنغهاي في الصين والمفروض انها هتنزل الشحنه في الولايات المتحدة الامريكية طبعا مسافه زي كده كبيرة وبتوصل لاالاف الاميال طبعا في اجراءات لازم تحصل قبل ما تتحرك السفينه من مكانها اوراق كتير لازم تبقي خلصان زي ورق الشحنه والتخليص الجمركي والموافقه علي الشحنه من قبل الجهات المختصه واذن نقل من شركه الشحن وتحميل الحاويات بشكل امان وصحيح وليله كبيرة سعتك وقبطان السفينه بيبقي عنده اوامر ان عند حدوث اي ضرر او خلال داخل السفينه وممكن يضر الشحنه انه يخزن الي اقرب ميناء لحين الاطمنان علي سلامه وبعدها اكمال المسيرة عادي

واحيانا في كل ميناء شحن بيبقي فيه حوالي 100 شخص مسؤلين عن السفينه 100 شخص ايوة 100 شخص انت مستهون بالشحنه دول بيبقو مسؤلين عن تفريغ الحاويات بشكل امن. 

شفت بقا ان الموضوع مش سهل ازاي لو كنت بقا اول مره تعرف المعلومات دي متنساش تعملنا اشتراك في القناه ولو مش اول مره برضو اعملنا اشتراك في القناة 

شكرا ليكم والسلام عليكم ورحمة الله وبركاته