من هو موسوليني ؟قصه حياه موسوليني رئيس الحكومه الإيطالية ||من هو ؟

الزعيم العربي اللي اتحدي اكبر دول العالم لحد ما اتعمله فخ و وقع فيه بكل سهولة وصحينا علي خبر اعدامه في صباح يوم عيد الاضحي في 30 ديسمبر لسنة 2006 بس خلينا نسال سؤال هو صدام مات فعلا ولا دي كانت خدعه سياسية ده اللي احنا هنعرفه في الحلقة دي. 

من كام يوم طلع فيديو غريب كده كان بيتكلم فيه ترامب رئيس امريكا السابق مع صدام حسين في التليفون بيقولة انه لسه عايش وانه هيخرج في 2024.الفيديو ده اثار جدل بشكل كبير وعمل صدمه كبيرة وخلي ناس كتير تدور وراء الموضوع بس نرجع نسال نفس السؤال هو الفيديو ده حقيقي ولا خدعه سياسية برضو علشان يتوهونا عن موضوع تاني ممكن يحصل. 

في سنة 1937 وتحديدا في 28 ابريل اتولد صدام حسين مجيد عبدالغفور سليمان. في قرية اسمها العوجه التابعة لمدينة تكريت في محافظه صلاح الدين في العراق. 

صدام حسين عاش طفولة صعبة جدا لانة قبل ما يتولد ب 6 شهور ابوة اتوفي وكانت حالتهم صعبة جدا فقراء اوي فامه خدته راحت بيه عند بيت ابوها اللي اتوفي قبل ما صدام يتم سنتين وامه اتجوزت واحد تاني وما بالكم بقا بمعامله جوز الاب ده طلعه من المدرسه وخلاه يرعي الغنم وهو عنده 5 سنين مش بس كده صدام كان بيحب اخوه الكبير بس بسبب مرض السرطان اللي كان مريض بية اتوفي وهو عنده 13 سنه يعيني وقتها هرب صدام حسين وقرر يعيش عنده من كتر الزل اللي شافه علي ايد جوز امه . المهم بقا راح عن خاله خيرالله اللي كان بيحبه اوي هو وابنه واللي بعد كده اتجوز بنته وهبقي اقولكم امتي. 

صدام حسين اتاثر كتير بافكار خاله اللي كان ظابط في الجيش بس كان بيكره الملكية اوي ومؤمن بافكار هتلر واللي اتفصل من الجيش بسببها. ابنه خاله وخاله بقي اقنعو صدام انه يتعلم وفعلا صدام مكدبش خبر وقدر ياخد الابتدائية علي عكس امه اللي كانت عايزة يطلع مزارع ومن بعدها كمل وخد الابتدائية والثانوية كمان لحد ما وهو عنده 19 سنة قدر ينضم لحزب البعث المعارض في سنة 56 واللي كانو متاثرين بافكار عبدالناصر واللي عملاوه الظباط الاحرار في مصر وقدرو يمشو الملك فاروق وصدام كان ايه بيحب عبدالناصر اوي وبيعتبرة مثله الاعلي. علشان كده قدم صدام في الكلية الحربيه بس للاسف يا عيني سقط في الاختبارات من البداية. برضو رئيس العراق يسقط في الاختبارات بس مكانش رئيس وقتها سيبك خلينا في المهم. لحد ما ظهر قدامه تنظيم الظباط الوطنين اللي كان شبية للبطاط الاحرار بتاع مصر. وكان اهم اعضاءة عبدالكريم قاسم وعبدالسلام عارف اللي هيبقو رؤوساء العراق بعد كده. وتقولش التاريخ بيعيد نفسه نسخه طبق الاصل اللي حصل في مصر وعملو انقلاب وقدرو يخلعو فيصل الثاني اللي كان ملك العراق وقتها ومش بس كده لا ده كمان صفوه هو واهله في جنيه القصر حاجه بشعه. وعبدالكريم قاسم بقا رئيس العراق ونسخه طبق الاصل من اللي حصل في مصر سيطر علي الدولة كلها وبقا ديكتاتور والبعثيين اللي كان صدام عضو فيهم معجبهمش الكلام ده وقالك احنا زي ما نزلنا اللي قبله ننزلة هو وحاولو مرتين بس مقدروش وفي المرة التالته صدام قالهم ملكمش دعوه بالموضوع ده انا اللي هتصرف وحاول يقتل عبدالكريم قاسم ونجح في انه يصيبة بطلقتين بس للاسف ما ماتش وصدام اتصاب برضو وقتها وهرب صدام علي سوريا ولما اتحكم عليه بالاعدام غيابي هرب غلي مصر سنة 60 وبما ان الدنيا بايظه هناك وهو بقا شخص مطلوب قالك خليني قاعد في مصر وقرر يكمل تعليمه وفعلا مكدبش خبر ودخل كلية الحقوق في جامعه القاهره. واتجوز مراته و بنت خالته ساجده خيرالله اللي قلنا عليها في اول الحلقة. لحد ما في سنة 63 قدر حزب البعث ان يقتل عبدالكريم قاسم بس علي الهواء كده عيني عينك ومسك مين بداله عبدالسلام عارف ولما الخبر وصل لصدام خد ديلة في سنانه وبسرعة علي العراق علشان يباركلهم علي اللي عملوة ويا فرحه ما تمت نسخه طبق الاصل من اللي فات عبدالسلام عارف اتحول عليهم واعتقل العبثيين كلهم وعلي راسهم صدام اللي جه جري من مصر وصدام في المعتقل شاف اسود ايام حياته تعزيب واهانه وزل. صدام قعد في المقتل 3 سنين لحد سنه 66 قدر انه يهرب من المعتقل بس مين كان رئيس الدولة وقتها عبدالرحمن عارف اخو عبدالسلام علشان عبدالسلاك ياعيني مات في حادثة طيارة غامضه المهم بقا صدام جمع الباقيين من حزب البعث علي اللي هربة معاه علشان ينقلبو علي النظام تاني وفضلو يخططو ويجهزو لحد ما جات اللحظه سنه 68 قدرو انهم يقلبو الحكم وصدام دخل القصر بالدبابه شايفين الجبروت وعبدالرحمن عارف مكدبش خبر قالهم خدو السطله بس سيبوني اعيش ومسك مين بعدها واحد اسمه حسن البكر وصدام بقا وزير الداخليه وابتدي يجمع السلطات في ايدة واحده واحده لحد ما بقا نائب لرئيس الجمهوريه وجاب عليته علشان خاطر يقدر يسيطر علي باقي الدولة ده خلي خاله محافظ بغداد اكبر.علشان اي حد كان يتكلم يسحبه علي الاعدام علي طول. وبدا العصر الدهبي للعراق تطوارت وازدهارات ومشروع تعليمي كبير للحد ما بدا المشروع النووي العراقي. 

لحد ما في سنه 79 راح منزل حسن البكر من الكرسي ومسك هو مكانه وبقي الامين العام لحسب البعث وقائد الجيش ورئيس العراق يعني العراق نفسها. وطبعا كان لازم يعمل حاجه تسمع علشان يخافو منه وميحصلش معاه نفس اللي حصل في اللي قبلة تقولش الكرسي ده عليه عفريت كل اللي يقعد عليه يتغير بسرعه. خلينا في المهم صدام بقا مكدبش خبر وجمع كل قاده حزب البعث في اجتماع مزاع الهواء وقالهم انه اكتشف ان في مؤامره لنظام قلب الحكم يا ابني لحقت طبعا هو بيعمل كده علشان يخوفهم قالهم ان في خونه وسطنا وانا عارفهم كويس وراح. طلع كشف ونادي علي 22 واحد وخلي العساكر سحبوهم بره القاعه ومفيش دقيقتين وصوت الرصاص سمع في القاعه كلها وايه علي الهواء طبعا اللي قاعدين ركبهم خبطت في بعض وقالك نلم نفسنا احسن ما نموت. بس صدام كان ذكي اوي زي ما خوه الناس منه حبب الشعب فيه اوي ده سلاح الجيش باحدث الاسلحه وبناء حوالي 12 جامعه ومستشفيات وتعليم ومعاهدات مع امريكا  وتطور طبعا ولو عند حد كان شغال في العراق في الوقت ده هيوقلك اكتر من كده مش بقولكم العصر الدهبي للعراق. ركز معايا بقا هنا في سنة 82 صدام كان رايح زياره لمدينه الدوجيل راح طلع علية 10 اشخاص مسلحين من حزب الدعوه الاسلامي وحاولو يغتالوة بس فشلو بس قدرو انهم يقتلو اتنين من الحراس الشخصي لصدام صدام يسيبهم لا طبعاً قلت 8 منهم وقبض علي الاتنين الباقيين خلاص كده المفروض الموضوع يبقا خلص ال10 اللي حاولو يموتوه نصهم مات والباقي قبض عليه لا معجبوش الكلام ده قالك اللي حصل ده ميحصلش مع صدام حسين وقرر يلغي حاجه اسمها مدينه الدوجيل قبض علي كل اللي فيها عاطل في باكل بقا مسابش حد وحكم علي حوالي 150 واحد بالإعدام واتنفذ فيهم الحكم فعلا والباقي اللي فضل هجره من البلد. وبعدها جات حرب الخليج اللي صدام حسين خرج منها مديون بملايين لدول الخليج وده تقريبا كان بداية سقوط صدام. وطبعا الدول دي كانت تطالب بحقها وصدام مكانش معاه فلوس يدفع حاجه والكويت معجباهش الكلام ده وصدام قال عليهم انه بيسرقو في البترول علي الحدود وفي سنة 1990 خد صدام حسين اكبر قرار غلط في حياتة غزو الكويت وده مش كلامي علي فكرة ده كلام صدام حسين اللي طلع واعتزر للكويت سنة 2002 وقال الكلام ده بنفسه بس الكويت رفضت طبعا. 

المهم بقا صدام يا دوب خد الجيش وطلع علي الكويت من هنا والامريكان دخلو من هنا ما هما كانو طمعانين فيهم.

 اصلهم كانو نايمين علي بترول ملهوش اخر. صدام طلع من الحرب دي مديون ومتحاصر وجيشة مدمر في مجزرة طريق النوت اللي حصلت  وبلاوي زرقه. الشعب العراقي مجبوش الكلام وعمل انتفاضة ثورة يعني ومن ثورة لثورة ومن حال لحال والشعب اللي كان بيفطر لحمة في السبعينات اضطر يوافق علي برنامج النفط مقابل الغذاء سنة 98 وده معناه انهم يتنازلو عن جزء من البترول بتاعهم مقابل انهم يقدرو يستوردو الاكل والدواء. سبحان مغير الاحوال. 

ولما حصلت احداث 11 سمبتمبر سنة 2001 الجيش الامريكي قالك العراق فيها نووي ولازم ندخل نفتش وملقيوش حاجة ورفض مجلس الامن دخول امريكا العراق جورج بؤش الابن يسكت ابدا قالك لا دخلونا انتو واحنا هنعرف نلاقي النووي بمعرفتنا. وسنة 2003 وتحديدا يوم 20 مارس دخل الامريكان العراق واختفي صدام و ولاده والامريكان قلبو الدنيا عليهم لحد ما جه نواف الزيدي اللي كان مخبي عدي وقصي وسلمهم للامريكان مقابل 30 مليون. 

والله يرحمهم وفي نفس السنة 2003 في يوم 14 ديسمبر في مدينة تكريت يتم القبض علي صدام حسين وبرضو صاحبه هو اللي سلمه للامريكان وابتدت محاكمه صدام حسين اللي واقف اسد قدام المحكمه تقلوش هو القاضي. 

وفي يوم 5 نوفمبر من سنه 2006يتحكم علي صدام حسين بالاعدام في قضيه الدوجان واللي قولتلكم ركزو فيها لان هي السبب في اعدام صدام في يوم 30 ديسمبر من نفس السنه في صباح عدي الاضحي يتنفذ حكم الاعدام وصدام كان واقف زي الاسد ومرضيش يحط القناع الاسود علي وشه  وانتهت حياة رجل لان ينساه التاريخ. 

نيجي بقا للسؤال المهم هو صدام لسه عايش ولا لا والفيديو ده اي حكايتة. الفيديو ده من الاخر كده متفبرك والفيديو الحقيقي اللي ظهر فيه ترامب وهو في البيت الابيض نشرته واحده من الصحف العالمية طيب هتيجي وتقولي صوت صدام ده اي اقولك ان ده كمان صوت متفبرك وفي برامج كتير ممكن تعمل الصوت ده بكل سهولة وكل من الاخر تركيب في تركيب ومتصدقش اي حاجه تشوفها وخلاص ودي كانت حلقتنا النهارده يارب تكون عجبتكم.